Prijem prvakaPrijem prvaka

                                                                                        Prijem prvaka

       I ovog septembra, u školi ,,Ratko Žarić”, početak nove školske godine je obilježen Prijemom prvaka. Svečani prijem za novu generaciju učenika je održan 5. septembra u  9 sati. Uzbuđenju ,,prvačića” je doprinijelo i prisustvo roditelja, uprave i nastavnika škole. Svečanost je započela intoniranjem Himne, u izvođenju učenice sedmog razreda Đorđe Glomazić, nakon čega se prvacima  i njihovim roditeljima obratila direktorica škole, Nevenka Nikčević. Uz riječi podrške, da ovaj važan dan pretvore u početak velikog puta do uspjeha kojem teže, čestitke je uputila,  i djeci,  i roditeljima i poželjela sreću.

        Svečani prijem su uljepšali učesnici programa, koji je vodila  učenica  Anja Miljanić. U nastavku,  Đorđa Glomazić se predstavila i izvođenjem pjesme  ,,Nek ljubav sja”, dok je  učenica Katarina Krivokapić govorila stihove pjesme ,,Roditeljima prvaka”. Učenice  drugog razreda, Vasilisa Mijušković i Jana Đukanović (mentor Nada Manojlović) su uputile prvacima ,,Dobrodošlicu”.

         U ime svih učiteljica  i vaspitačica odjeljenja prvog razreda prisutne je pozdravila učiteljica Milica Nikolić.

Da sve protekne u najboljem redu, pobrinuli su se članovi KUD-a pod rukovodstvom Svetlane Bulatović Stanišić, kao i svi zaposleni u školi.

         Nakon svečanog programa, prvaci su na prvom času upoznali svoje učiteljice i vaspitačice i dobili smjernice za budući rad.

     

Srećno prvaci!

    Za Aktiv prvog razreda

                                                                                                                                                                                                                                                                     Sonja Marković

Prijem prvaka