Sofija - treća na Balkanu

Sofija Vučković, učenića VII4 odjeljenja naše škole, kao članica reprezentacije Crne Gore i aktuelna državna prvakinja imala je izuzetno uspješan nastup na upravo završenom Balkanskom prvenstvu u karateu. U veoma jakoj konkurenciji najboljih takmičarki iz Jugoistočne Evrope, Sofija se okitila bronzanom medaljom u kategoriji do 50 kg. Balkansko prvenstvo u karateu je održano  u Poreču u Hrvatskoj. U konkurenciji seniora, veterana i mlađih uzrasnih kategorija, okupilo je više od hiljadu karatista iz osam država regiona.

Podsjetimo, nedavno na prvenstvu malih zemalja Evrope, Sofija je, u istoj kategoriji, bila treća pojedinačno i prva ekipno. Inače, raskošni sportski talenat, ova nadarena djevojčica, osim u karateu, pokazuje i u igri pod obručima, u dresu mlađih i starijih pionirki Budućnost Bemaksa, državnog prvaka. Pored sportskih, Sofija ostvaruje izuzetne rezultate i u školi. Odlična je učenica i aktivna u više sekcija i vannastavnih aktivnosti.

Sofiji želimo puno uspjeha i u budućnosti.