Zdravica Skadarskom jezeru

            Crna Gora je puna prirodnih ljepota. Planine, rijeke, jezera... Kada smo već kod jezera, želim da vam pričam o Skadarskom jezeru.
            Dižem čašu ljepoti tog jezera. Oko njega zelena dolina. Tuda teče rijeka Bojana. Tu ima maslina i smokava, a tek bogatih vinograda. Ribe razne u jezeru ima. Ne pripada ono samo nama, već i susjednoj Albaniji. Svi će tu naći svoj mir. A kad se s neba gleda na Skadarsko jezero, više je zeleno nego plavo. Razlog tome su lokvanji. Ti divni cvjetovi na velikim, zelenim listovima
prekrivaju jezersku vodu. Na jezeru vas dočekaju vrlo ljubazno. Dok plovite brodićem po vodi i osluškujete cvrkut ptica i cvrčaka među trskom, gledate kako se poslednji zraci sunca gube u daljni.
              Skadarsko jezero vrijedi posjetiti. Svaki putnik, koji zađe u Crnu Goru ne smije propustiti čari i ljepote ovog jezera.

Sofija Radunović VI4