Radionica "Uloga književnosti u procesu odrastanja"

         U Dječjoj čitaonici JU Narodna biblioteka ,,Njegoš" Nikšić održana je inovativna radionica ,,Uloga književnosti u procesu odrastanja" učenika JU OŠ ,,Ratko Žaric".

        Drugi dio radionice inovativna je interpretacija jednog od najpoznatijih djela engleskog književnika Luisa Kerola “Alisa u zemlji čuda”, koja će se odvijati kroz interaktivan odnos i komunikaciju između učenika starijih sa učenicima nižih razreda. Riječ je o socijalno-edukativnom procesu u kojem će učenici preuzeti aktivnu ulogu u animaciji jedni drugih, kako bi na jedan originalan i neposredan način otkrili i usvojili nove sadržaje skrivene u djelu.
Učenici će se, upravo, kao što to čini i pisac Kerol, na specifičan način poigravati onom istom “logikom”, koja je “Alisu u Zemlji Čuda” učinila trajno popularnom knjigom među djecom i odraslima.
Korišćenje interaktivne metode učenja utiče pozitivno na emocionalnu klimu, ali i povećanje motivacije za istraživanje i donošenje samostalnih zaključaka, što je upravo i cilj ove edukativne radionice.

                                                                                                                                                             Mentorka, Emilija Pejović, prof. engleskog jezika