Poludnevni izlet III razreda
Dana 4. aprila 2024. pet odjeljenja III razreda OŠ “Ratko Žarić” sa svojim učiteljicama i dva turistička vodiča u organizaciji TO NK realizovali su poludnevni izlet.
Inicijator i organizator ovog izleta je predstavnica Turističke organizacije Nikšić, gospođa Slavica Grgurević, kojoj smo veoma zahvalni. Ona je za 100 učenika naše škole omogućila besplatan i veoma koristan poklon-aranžman, tako što je TO obezbijedila učenicima besplatan prevoz (2 autobusa) na potrebne lokalitete, kako bi posjetili vode i mostove u okolini našeg grada.
Tokom izleta posjećeni su sljedeći lokaliteti: estavela kod Vira, most na Duklu, most na rijeci Moštanici, Krupačko i Slano jezero.
Uživajući u ljepotama prirode, ovog sunčanog proljećnog dana, pored prethodno usvojenih teorijskih sadržaja, učenici su posmatrali i dobili sve potrebne informacije, u skladu sa svojim uzrastom, ne samo vezano za vode i mostove našeg kraja, već i za reljef bliže okoline Nikšića.
Izlet je bio veoma zanimljiv, zabavan, edukativan, tako da je u potpunosti ispunio naša očekivanja, što pokazuje dobar primjer saradnje sa lokalnom zajednicom.
Za Aktiv III razreda
Nada Manojlović