Posjeta Radio Televiziji Nikšić

 

 Učenici sedmog razreda, članovi literarne i novinarske radionice, sa nastavnicom Vanjom Pićurić, posjetili su  Radio Televiziju Nikšić. Cilj posjete bio je upoznavanje sa novinarstvom i radom novinara u RTNK.

Novinarke Sonja Vujadinović i Ana Jokić pokazale su studio za snimanje emisija i pojasnile na koji se način one snimaju. Djeca su saznala da se izgled studija prilagođava temi. Imali su priliku i da čuju koje vrste novinarskog izražavanja postoje i kako se piše članak za štampane, a kako za elektronske medije.

Novinarke su objasnile proces snimanja radio emisija i koliko je to složen i naporan  posao koji zahtijeva posvećenost i trud, prije svega veliku ljubav.

Razgovarali su i o vijestima koje se prenose putem društvenih mreža i interneta. Kako je objasnila novinarka Sonja Vujadinović, one često mogu biti neistinite, pa je bitno paziti kojim se medijima služimo i koje informacije prenosimo.

Učenici su bili veoma zainteresovani za ove teme, imali su puno pitanja i mnogo toga su naučili.

Zahvalili su se domaćinima na lijepom gostoprimstvu i izrazili želju da se posjete nastave.

 

    22. 3. 2023. godine                                                                                                                                                                                                         Anica Radulović

                                                                                                                                                                                                                                           Bogdana Jauković

                                                                                                                                                                                                                                           Hana Jauković

 

Prilog na portalu RTVNK https://www.rtnk.me/me/dru%C5%A1tvo/79671/polaznici-literarne-i-novinarske-radionice-o%C5%A0-%E2%80%98ratko-%C5%BDari%C4%86'-posjetili-rtnk-/?fbclid=IwAR1tRTYVODd2nbudXka2ujZEH1qgBhSGVbfgIn-KcS1Xj7WgD5-VIlpZWZ4