Svečani prijem prvaka

U školi „Ratko Zarić“ organizovan je svečani prijem prvaka (2.IX 2024.), uz prigodnu priredbu koji su pripremili učenici četvrtog, trećeg, i drugog razreda sa svojim učiteljicama. Ove godine škola je otvorila vrata za 92 učenika (četiri odjeljenja prvaka).

Prvake su pozdravili direktorica škole Nevenka Nikčević i učiteljica Svetlana Cerović, koje su izrazile nadu da će prvaci u školskim klupama pronaći ne samo znanje već i prijateljstva koja će trajati. Ovaj prijem označava tek prvi korak u njihovom školskom putovanju koje će biti ispunjeno radom, igrom, smijehom i izazovima.

Prvaci su sa svojim učuteljicama i vaspitačicama ušli u svoje učionice i dobili knjige i simbolične poklone za uspješan početak školske godine.

Na kraju, u ime učitelja, kolektiva škole i starijih đaka, prvacima želimo srećan i uspješan početak školovanja!